जैन हेरिटेज ए केंब्रिज स्कूल मध्ये आषाढी एकादशी उत्साहात
नागपूर : ( दि. २९ जून २०२३) जैन हेरिटेज ए केंब्रिज स्कूल येथे भगवान विष्णूला समर्पित महाराष्ट्राचा महत्त्वाचा सण आषाढी एकादशी मोठ्या उत्साहात साजरा करण्यात आला.
इयत्ता पहिली ते सहावीच्या विद्यार्थ्यानी प्रसंगी माहिती आणि विशेष नृत्य सादर करून विठ्ठलाची वेशभूषा धारण करून परिसरात दिंडी काढली.
विठ्ठलाच्या जयघोषाने संपूर्ण वातावरण पूर्णपणे मंत्रमुग्ध झाले होते. या कार्यक्रमाला शाळेच्या मुख्याध्यापिका मुनिका रतनपर्ज यांच्यासह शिक्षक, शिक्षिका व कर्मचारी वृंद मोठया संख्येनी उपस्थित होते. या प्रसंगी शाळेच्या मुख्याध्यापिका मुनिका रतनपर्ज यांनी सांगितले की, मुलांना या दिवसाचे महत्त्व कळावे आणि प्रादेशिक संस्कृतीची ओळख व्हावी, या हेतूने या कार्यक्रमाचे आयोजन करण्यात आले. मुलांनी उत्साही उत्सव सादर केल्याबद्दल त्यांनी सर्वांचे कौतुक केले आणि उत्सवानिमित्त शुभेच्छा दिल्या.
